احلام ممنوعه

موضوع: احلام ممنوعه الجمعة 18 أبريل 2008, 3:01 pm

يا ولدى لاتخاف العدا ولاتبكى يا ام الشهيد
بكره هيزول كل ده ويبقى الغنا ف صوت الوليد
باحلم فى يوم ان المطر ينزل يدوب فى الجليد
واشوف بلادى ف عزها ومزينه التوب الجديد
واقول ميلادك نصرنا وعيد ميلادك احلى عيد
باحلم فى يوم ان الولاد تطلع وتمسك ايد فى ايد
وبكلمه حره يهتفوا والدم ينطق فى الوريد
وبالكرامه ينزفوا ويكسروا قيود الحديد
ليه يا ابن ادم تنحنى والجرح بضلوعك يزيد
باحلم فى يوم يبقوا البشر ع الظلم اسياد مش عبيد
والخير يصاحب ارضنا وبسر محيانا تفيض
والطفل ينزل م الحشا ينشد لنا احلى نشيد
وقلت قوموا اتحركوا الحلم يبقى ف يوم اكيد
بصيت فى وش الموجودين
الخد مركون ع الايدين
اتارينى باصرخ فى الخلا والناس هنا متكبلين
وكانى باقول جلا جلا
لجل ما تعدى السنين

بكره هيزول كل ده ويبقى الغنا ف صوت الوليد

مشكورة علي الروائع دي

وننتظر المويد انشالله
_________________
--------------------------------------------------------------------------------

شكرا على الكلمات المعبرة

وبعد الغروب شرووق
_________________

انشاء الله الميه ترجع لمجريها مشكوره اميره