انت اكيد فين فين فين مش عارف

لما تلاقي ناس مرتاحة وشبعانه
وناس تانيه مش لاقيه تاكل وجعانه
ورغيف العيش مش لاقينو
والجنية ما بيشتريش الفينو
يبقي انت اكيد اكيد في ----

لما تلاقي ال 7 في اوضه
وواحد قاعد في بيت علي الموضه
وناس نايمين واكلين من غير شغلانه
وناس تانية تعبانه وشقيانه
يبقي انت اكيد اكيد في 0000

لما تلاقي شباب عاطلين
ومستنين وظيفة م المسؤلين
وما حدش منهم فيهم سائلين
ومن الخنقة بيقولوا مهاجرين
يبقي انت اكيد اكيد في ----

لما تلاقي بنات تايهين
وعلي الموضة راضيين و ماشين
وللحب دايما متلهفين
ولدينهم واهلهم مش فاضيين
يبقي انت اكيد اكيد في---

لما تلاقي شوارع مليانة وزحمه
وبيوت علي ناس واقعه
وده كل مش في دماغ المسؤلين
والناس خايفين ساكتين وفي الدنيا مطحونين
يبقي انت اكيد اكيد في ---

لما تلاقي بلاد ليك لاجئين
ومن المعونة والصدقة واخدين
واحنا بخير بلدنا مش متهنيين
وحكام وموظفين لحقك سارقين
يبقي انت اكيد اكيد في ---

لما تلاقي ناس طيبين للمساعد ايديهم بتمد
والعدو ليهم مش يقدر يهد
وولاد بلد في وقت الشدة بتسد
وفي شهر رمضان كله متجمع بيهني ويود
يبقي انت اكيد اكيد فين 00000وكل لبيب بالعصاية يفهموا
_________________
--------------------------------------------------------------------------------