الى شعب مصر

موضوع: الى شعب مصر الإثنين 28 أبريل 2008, 8:52 am

--------------------------------------------------------------------------------
إلى شعب مصر
ياشعبى حبيبي ياروحي يابيبى ياحطك في جيبى ياابن الحلال ...
ياشعبي ياشاطر ياجابر خواطر ياساكن مقابر وصابر وعال ...
ياواكل سمومك يابايع هدومك ياحامل همومك وشايل جبال ...
ياشعبي اللي نايم وسارح وهايم وفي الفقر عايم وحالك دا حال ...
احبك محشش مفرفش مطنش ودايخ مدروخ وآخر انسطال ...
احبك مكبر دماغك مخدر ممشى امورك كده باتكال ...
واحب اللى ينصب واحب اللى يكدب واحب اللى ينهب ويسرق تلال ...
واحب اللى شايف وعارف وخايف وبالع لسانه وكاتم ما قال ...
واحب اللى قافل عيونه المغفل واحب البهايم واحب البغال ...
واحب اللي راضى واحب اللى فاضى واحب الى عايز يربى العيال ...
واحب اللى يائس واحب اللى بائس واحب اللى محبط وشايف محال ...
واحبك تسافر وتبعد تهاجر وتبعت فلوسك دولار او ريال ...
واحبك تطبل تهلل تهبل عشان ماتش كورة وفيلم ومقال ...
واحبك تؤيد تعضد تمجد توافق تنافق وتلحس نعال
تحضر نشادر وتجمع كوادر تلمع تقمع وتضبط مجال ..........
لكن لو تفكر تخطط تقرر تشغل لى مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمل لى روحك مفرد رجال
ساعتها حا جيبك لايمكن اسيبك وراح تبقي عبرة وتصبح مثال
حا ابهدل جنابك واسبّ اللى جابك وهيكون عذابك دا فوق الاحتمال
وامرمط سعادتك واهزأ سيادتك واخلي كرامتك فى حاله هزال
وتلبس قضيه وتصبح رزيه وباقى حياتك تعيش فى انعزال
ها تقبل هاحبك هاترفض هالبك ... هاتطلع هاتنزل ها جيب لك جماااااااااااال

مشكور علي القصيدة المعبرة عما نمر بة من واقع واقع علي روسنا
وروس الخلفونا
اسمح لي ان انسقها فقط
_________________
--------------------------------------------------------------------------------