السلام عليكم ورحمة الله

بتهيأ لي ياإخواننا إننا هنفضل شغالين بالمحسوبية والواسطة وعلشان خاطري ومعلهش واحنا بلديات وياعم دا فلان ده يبقي قريب فلان اللي هوا قريب

صاحبك وخلي عنك الحساب عندي وشيلني وأشيلك


الكلام ده جاء علي بالي النهاردة لما كنت رايح الانتخابات المحلية لانتخاب اعضاء مجلس محلي القرية والمركز والمحافظة

............

بصراحة مااكدبش عليكم أنا أفهم في الانتخابات قدر فهم جدتي تفيدة في الذرة


أنا رايح أساسا أتفرج وأشوف الناس اللي المفروض هيمثلونا وباقول يمثلونا مش يمثلوا علينا


المهم لبست الجلابية المخططة بتاعة أخويا شلبي وحطيت البلغة ف رجلي وقلت توكلنا علي الله ورحت علشان أنتخب

بصراحة أنا ماعرفش مين هما الأعضاء ولاعددهم كام
فسألت واحد معرفة هو إيه النظام قال لي كل اللي عليك أنك تعطيله البطاقة بتاعتك وهما عارفين هيعملوا إيه

الله !! طيب عاوز أفهم !! أعرف حتي اللي هختاره يستاهل واللا لا ! وشوية لقيت واحد من إخواننا المترشحين خارج بيزعق وبيسب ويقول ألفاظ ............. مش قادر أكتبها هنا افهموها أنتم بقي

وكمان بيقول دانا حريف انتخابات

هما دول اللي المفروض يمثلونا ويقضوا لينا مصالحنا ؟؟؟

أسيبكم ونكمل بكرة

وهحكي لكم بقية الحكاية لأنها حكاية


مملة