كشف المسروقات

مسروقه منك كل احلام السنين
مسروقه ضحكة الطفل البريئه النابعه
من حضن الانين
مسروق براعم خير بتطلع تتخنق
جوه السنين
مسروقه كلمة الحق اللى تنصف مظلومين
مسروق صباك اللى انكتب مقتول
فوق الجبين
مسروقه منك فرحتك وصرختك ع المحتاجين
مسروق يا قوت الغلبانين



مسروق ورايح للاسد جوه العرين
مسروق شقاك اللى اتغزل منه شباك
الصيادين
مسروق وبطن الحوت تساع م الغرقانين
مليون والف ونندفن ونقول
اميييين
مسروقه واحنا ف ضلها ماشيين
عقولنا منفضين
وبدل ما نحمل اسمها
خدنا ختم المسروقين