عمك مظلوم اتجنن

عمك مظلوم مش عارف
عايش بيربى سوالف
ساكت عن حقه وخايف
ويقول الصحه حديد

عمال بيدارى ف صوته
وكتير بيحبوا سكوته
ودى رجل الظلم تشوطه
ونقول ده قصير الايد

وبيخنق نفسه بنفسه
وبيقتل جواه حسه
عايش ف الظلم وحسه
وبيحسب روحه بعيد

مش عارف كلمة لأه
عطلان ومحتاج زقه
يصرخ من جوه بحرقه
وبيضحك آل وسعيد

عمك مظلوم مظلوم
ماشى وشايل ف هموم
يقرا ف اخبار اليوم
يكتر همه ويزيد

عمك مظلوم اتجنن
يشتكى يقولوله يحنن
والظلم ف ظلمه اتفنن
ومصيره الخنكه اكيد

عمك مظلوم بيلالي

يزعق ويقول ونا مالي

مظلوم والله ياخالي

والظالم سيفه حديد !!!

****
ولابد من يوم معلوم تترد فيه المظالم ؛ أبيض علي كل مظلوم أسود علي كل ظالم

فلاييؤسنك أن هذا المظلوم ساكت عن ذاك الغشوم ولكن الأيام دول والتاريخ أصدق شاهد

علي ذلك

تقبلي مروري وإعجابي بأبياتك

جميل والله وياريت على قد عمى مظلوم ده عمى وجدى وخالى كلو بقينا عمى مظلوم