ابن البلد مدير عام المنتديات
عدد الرسائل : 569 العمر : 54 البلد : بدين الوظيفة : أعمال حرة المزاج : بكرة تفرج الدولة : المزاج :
بطاقة الشخصية النشاط في المنتدي: (95/100)
| موضوع: أبيات تسبب الإحباط / عشان أنت مصري الأحد 12 أكتوبر - 23:06 | |
| أحمد فؤاد نجم
عشان انت مصري لازم تعاني
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف | |
|
ISLAM1234 نائب المدير
عدد الرسائل : 835 الدولة :
بطاقة الشخصية النشاط في المنتدي: (100/100)
| موضوع: رد: أبيات تسبب الإحباط / عشان أنت مصري الإثنين 13 أكتوبر - 7:12 | |
| ياعم لية بس علي العموم مع انها الحقيقة المرة ولكن اقولك اني مصري ولية الشرف ليلي ونهاري عيشهم في ترف | |
|