علي المصطبة

كان يا ما كان من زمان هو مش من زمان قوي يجي كدا من عشرين سنه
كان اهل كل بلد من كل حي فيه مكان اسمه مصطبه
بعد المغرب يكون الكل خلص شغله واتجمع الناس حوالين بعضهم
في الشتا يولعوا شاليه
وفي الصيف يوسعوا الدايرة
ويتلموا في مكان بحري الهوا فيه يرد الروح
وبعد ما يدور عليهم الشاي يبدأ السؤال عن فلان وفلان
وجارةدا يمكن يكون عيان
يهب واحد يقول انا رايح اطل عليه والكل يقول احنا كمان جايين نطل عليه
ونشوف كمان طلباته
وفلان كمان مغضب مراته ما تيجوا بالمرة نرجعها دارها
ولا فلان دا مات بعد العزا يا جماعه الله يرحمه
اخونا بيته ماشي ازاي
علي المصطبه كمان بنوفق راسين في الحلال
وبيوتنا كلها بتكون متواصله
ولا نخاف عله ولا نخاف بكرة
اصل احنا ايد واحده
دلوقتي بقه في تلفزيون ودش ونت
ومعدناش عارفين بعض
وجيران في نفس البيت
كلنا عايشين في غربه
شبابنا من غلبهم قاعدين علي القهوة
وبناتنا من جهلهم اتجوزوا عرفي
والحلم اننا نرجع المصطبة ونحكي لبعضنا اي حدوتة
اوي اي مشكلة ونحاول نحلها او نتعلم منها
بس مش هيكون بنا اي مجاملة وكمان مافيش احراج
يمكن تكون بدايه للحب والاصلاح نزرع ما بينا فكرة الاخاء والترابط ولو عن طريق النت
بكلمه طيبه او موعظه حسنه
ونرجع المصطبه